Штучны інтэлект ужо стаў часткай паўсядзённага жыцця: ён дапамагае шукаць інфармацыю, праходзіць сумоўі, атрымліваць медыцынскія парады і нават уплывае на судовыя рашэнні. У дакуменце падрыхтаваным Human Constanta «Штучны інтэлект і правы чалавека: пошук этычных арыентыраў» мы разглядаем, як гэтыя змены адбіваюцца на канкрэтных людзях: на доступе да здароўя, магчымасці сумленна канкурыраваць на рынку працы, на даверы да судовай сістэмы і бяспецы асабістых даных.
Тэкст фокусіруецца на тым, як НДА і праваабаронцы могуць выкарыстоўваць ШІ адказна: ад аналізу вялікіх масіваў звестак да аўтаматызацыі руцінных задач без парушэння прыватнасці, без узмацнення дыскрымінацыі і без шкоды для чалавечай годнасці. У публікацыі разбіраюцца рызыкі дыпфэйкаў, алгарытмічнай прадузятасці і дызінфармацыі, а таксама прапануецца практычны чэк-ліст, які дапаможа арганізацыям ацаніць свае падыходы да ШІ і прыняць больш этычныя, чалавек-цэнтрычныя рашэнні.